天下第一腩 (已結業)

舖頭外面吹得自己Ｄ牛腩好巴閉，入面又貼晒老板同阿發哥拍晒膊頭既相，忍唔住要入去試下有幾堅，原來係主打清湯牛腩，咬落甘香，味道幾正，但可惜太韌，我諗比較適合鍾意牛腩有咬口既人，反而牛丸有牛味又爽口，另外舖頭推介既所謂“首創牛墨丸“（即係牛丸溝墨魚丸），又冇牛味又冇墨魚丸味，兩頭唔到岸，失敗，食淨牛丸冇咁嬲，魚翅墨魚丸更加係笑話，加幾條突出黎既假翅，好似Ｄ蟲捐左出黎咁，睇見都唔開胃，失敗中既失敗，廿幾蚊一碗唔算抵食，不過非假日可以加一蚊多一杯咖啡或者油菜，咁樣計落價錢合理好多，最欣賞係佢Ｄ訂做既兩層式外賣碗，上層擺麵，下層放湯，好有心思。