德福閣

营业中

休息中

難得約咗朋友出街食飯，但大家又諗唔到食咩好，就諗住一齊去試下呢間自助餐。之前見到呢間餐廳，中、西、日嘅菜式都有，選擇都幾多，總有嘢食啱到大家口味。 🔥酥皮湯外面層酥皮夠香又夠酥，趁佢脆嘅時候點埋個暖暖地嘅忌廉湯一齊食真係好掂。🔥香煎牛排塊牛肋片成寸厚，雖然睇落有啲熟過頭，但食落又唔覺得佢乾同Un，配埋個黑椒汁🔥紫蘇煎羊扒我本身好怕食羊有浸蘇味，但佢呢個羊扒一啲蘇味都冇，juicy得嚟又唔un。如果同人一樣怕蘇嘅，呢個值得一試🔥蒜籽焗大蝦佢啲蝦同蒜籽焗得相當惹味，仲有少少辣吊味，啱晒我呢啲重口味嘅人🔥凍蝦，長腳蟹食完重口味野想轉下口味，鮮甜嘅凍蝦同長腳蟹就啱晒啦。🔥潮州滷水鴨腿估唔到呢個滷水鴨佢真係成隻俾你，滷水味好濃，啲肉係啱啱好，幾嫰口！🔥即製疏乎厘師傅啱啱整起嘅疏乎厘就即刻有得食，熱辣辣即刻食仲食到嗰種空氣口感同埋蛋香味！