茶餐廳2.0 (已結業)

同事搬左去黃大仙現祟山居住，今日放工跟他回家參觀下，之後去佢商場食晚餐，佢帶我去食西餐，商場地下有一間以茶餐廳2.0，餐廳旺中帶静，位置開揚，特設半露天茶座，裝潢設計時尚。龍蝦湯海鮮泡飯：湯底以新鮮龍蝦熬製而成，入口鮮甜，米飯浸於龍蝦湯中，配上龍蝦粒粒及倒入金黃脆米，味道口感層次豐富。鮮蝦夠份量，鮮味彈牙，用石鍋保持温度，食完個鍋重係暖。石燒美國安格斯肉眼扒：大大塊的肉眼扒用石板盛載上枱，石板比鐵板熱很多，倒入黑椒汁，醬汁也在跳動，選了5成熟，外面金黃，肉質半熟中間現粉紅色，肉質鮮嫩有肉汁，配黑椒汁好惹味！主食可配白飯/意粉或薯菜，我們要薯菜，薯角即叫即炸，香脆可口。加10元有，是日餐湯和飲品，蘑菇湯香濃，熱朱古力香甜。