小島•澳門菜 (已結業)

好少會有餐廳以澳門菜掛名，通常都係主打葡國菜。最近竟然係Times square有一間澳門菜餐廳新開張，急不及待係試對期間就試一下。午餐時段有午巿套餐有湯粉麵，焗飯，炒飯等。六七十蚊去到百六七蚊都有。套餐連埋飲品，餐湯或沙律。餐湯係荀同薯仔，好creamy，有薯仔嘅口感，仲好飽肚添～ 蒜蓉包熱辣辣，仲好脆，唔會硬～澳門出名嘅地道野，葡國菜都有。呢個焗豬扒飯有炒飯底，份量唔算細。蕃茄好冧，豬扒都一樣。豬扒唔會有腌味，仲係好滑。另外有好多芝士係面呢～佢嘅藥膳湯麵同椰汁雞湯麵都好夠味～雖然睇落好細，但真係唔好睇少佢，每一份午餐都好夠飽，味道又好～絕對比澳門茶餐廳更好更出色啊！