億饍 (已結業)

早幾日係旺角約人食飯，見朋友未到，就openrice下睇下有咩新餐廳。見倒'億饍'有咁多好評，又係附近，我就索性入餐廳坐住等朋友。'億饍'係譽發廣場四樓，係油麻地地鐵站A2出口出發，其實都係2分鐘路程倒。嗰日我都算早黎到，平日六點幾都仲可以唔駛等就有位。（但係七點幾其實就已經要排隊，所以唔想等嘅話呢就要早啲到。）坐咗陣冇耐，我個朋友就到啦。可以叫野食！佢餐牌入邊有好多唔同種類嘅餐點可以揀：泰越式小食，沙律，海鮮，串燒，炒飯麵，煲仔菜⋯⋯仲有燉湯實在係多到令人眼花撩亂。我哋一開頭呢就叫咗個越式拼盤-有炸春卷，蒸粉包，蒸札肉片，燻蹄，烤豬肉蝦片（我最鐘意）同濱海。豬頸肉米紙卷，配上甜醬一齊食，味道更正。炭燒豬頸肉，好多肉，燒得幾香，加埋辣醬一齊食更過癮。桂花BB乳鴿，滷水既唔係脆皮👍。滷水BB乳鴿好入味，肉質非常柔嫩，更加係啖啖肉（其他地方嘅乳鴿通常都淨係皮包骨..）。識食梗係用手食火車頭牛肉湯河，分量勁充足好大碗，兩個人share都夠食，半生熟牛肉片牛筋牛丸牛展牛柏葉。