丼瀛 (已結業)

今次就去左觀塘既丼瀛~一去到餐廳即刻有種熟悉的感覺!餐廳Meun選擇都好多，有刺身，燒物，佐酒小食等，仲有啲時令推介，有種居酒屋既感覺，可能依家疫情關係，每張枱上都有一枝消毒酒精和消毒紙巾，好貼心第一野就緊係飲過湯先，依個蛤•味噌湯好鮮甜，有蛤俐豆腐海帶蘑菇所煮成，用料豐富又有口感，而且蛤俐又大隻，值得一試！特上浦燒原條鰻魚爆丼，鰻魚好大條，兩隻手掌咁長，肉質都幾嫩，可惜入面有少少骨，但醬汁做得不錯，可以掩蓋腥味明太子醬燒玉子，玉子好嫩滑，而且一啲都唔乾，配埋明太子醬簡直一流，依個係我食過最好食既玉子，十分推介一口豚肉，豚肉好厚實，一啲都唔煙韌，仲好juicy，肥肉相隔，燒得啱啱好碎葱吞拿魚腩海膽卷，海膽都幾新鮮，吞拿魚腩又鮮甜，兩種夾埋口感層次提升，有少少可惜嘅係一次過食會比入邊嘅菜同青瓜掩蓋左海膽同吞拿魚嘅味道，所以我個人建議分開食會比較好軟殼蟹野菜米紙卷，軟殼蟹都炸得幾脆，又有蟹籽，令到好有口感，配埋麻醬，味道一流日式炸豆腐，表面炸唔夠脆，但入面啲豆腐係滑脫脫，入口即溶嘅感覺，都算唔錯依間餐廳性價比高，味道不錯，用料新鮮