蓮香樓 (已易手) 新餐厅

終於試了蓮香既懷舊菜!早在一個禮拜前已經訂左位,仲訂左霸王鴨、醬燒骨、炆斑翅、馬拉糕、焗蓮蓉西米布甸懷舊菜牌依家已經用電腦入單喇新與舊都有齊是日例湯: 野葛菜煲豬踭仲有邊間酒樓會有湯渣俾你睇架另外自攜酒水不收開瓶費及免收加一!霸王鴨其實姐係八寶鴨,鴨內有栗子、蓮子、糯米、鹹蛋黃等材料都幾好食!上:唔記得叫咩名類似生炒骨,但係個汁係泰式酸甜汁下:醬燒骨個樣好似東坡肉!!!又係入口即溶不過相對油膩炸鯪魚極考功夫既菜式!炸到好脆豉油王大蝦+茄汁大蝦豉油王大蝦一上台已經搶購一空!因為真係好入味!!!炒豆苗有大量乾瑤柱係獻焗魚腸在座大人必食既菜...我只試左一啖無咩特別...炆斑翅魚肉岩岩好熟同好入味!獻汁做得好好...生炒糯米飯最差係呢個...飯係蒸唔係炒料慶幸都幾足...馬拉糕超鬆軟其實食到呢度已經好滯...但無理由唔試架嘛!焗蓮蓉西米布甸我唔好既,因為一pat野但大人話好香蓮蓉味...13個人食埋單$1934一次無咩所謂啦!