峇峇娘惹 (MOSTown新港城中心(4期)) (已結業)

馬鞍山最近一兩年開咗唔少新餐廳，雖然都係啲連鎖店，不過多咗選擇已經好好啦～尼間都開咗一段時間，今次先第一次去食我叫咗香茅雞翼雞湯河雞翼非常入味，值得一試個雞湯底都唔錯，係有雞湯味冇呃人㗎係幾真材實料，如果份量可以多少少就perfect另外嗌咗個蝦球炒貴刁尼個同港式嘅味道好唔同，有少少甜同好重嘅蝦米味我個人就唔係太慣尼隻味不過我朋友就話好好食，鐘意貴刁嘅都可以一試唔同嘅整法我哋仲叫咗個通菜，好大碟尼個通菜係勁重口味食得咸又鐘意重口味嘅人真係要一試成餐飯都幾好，味道唔差價錢又唔算太貴見到隔離枱叫咗個藍色嘅飯搞到好想試不過真係好飽，唯有留返下一次啦～總結係絕對會再幫襯㗎!