正宗印度餐廳及酒吧 (電氣道)

营业中

休息中

前幾日同朋友去天后搵餐廳食飯，發現一間新開嘅印度餐廳，心諗平時比較少食印度菜，不如就試吓啦!餐廳裝修得非常有印度風格。環境乾淨，配合印度音樂，別有一番風味。窗口仲見到大廚烹調食物中。可能餐廳比較新，呢日食客唔多，正好可以同朋友起寧靜嘅環境食飯傾計。一開始先叫咗個傳統印度開胃前菜。咖喱角揀咗羊肉，羊肉無羊膻味，同時餡料非常豐富。之後叫左個印度燉羊肉、白腰果咖喱雞。羊肉肉味濃，配牛油烤餅一流。白腰果汁咖喱非常香，味道小甜，令我不自覺食多兩塊烤餅。自家製雪糕十分出色，口感香滑，非常重奶味。餐廳充滿印度風格，食物比較貼近印度傳統口味，唔錯，值得一試!