薄餅怪獸

营业中

休息中

新蒲崗呢區有好多街坊食肆，喺仁愛街新開左間pizza 店。舖頭裝修簡潔明亮，座位唔多但夠寬敞。主食有焗食意粉pizza炸雞，仲有沙律小食唔少選擇，價錢親民，啱晒大班朋友聚會／一家大細黎食。午餐／下午茶仲有套餐，學生lunch／放學黎好抵食。pizza 用手製餅底，即叫即整，上枱熱辣辣。薄批鬆脆唔飽肚，更能突顯材料味道。配料唔花巧，粟米洋蔥蟹柳，就是家的味道，煙三文魚係放上pizza一齊焗而唔係後加，略帶鹹香，味道ok.美式拼盤有炸魚薯條炸洋蔥圈同香草腸。炸物好出色，夠熱夠脆，表面乾身冇乜油。粗薯有薯味，食唔停口。秘燒豬排骨有別於一般既BBQ醬烤，而係用孜然香草醃完再燒，唔錯。人均百零蚊，食物選擇多，絕對收貨。下次試下啲午餐先，60蚊有找。