日月堂

营业中

休息中

今日系观塘收工，好想食台湾菜，系Openrice揾左一阵就决定同朋友嚟试下呢间位于工厦入面既台式餐厅。平日既晚市嚟食，都多人到全场满座。牛三宝面三宝指牛腱肉、牛筋及牛肋条。牛腱偏厚身，啖啖肉；牛肋条就好软腍。汤底几清甜，面底系幼身𠮶种，几有嚼劲。手工卤肉饭配料有菜同半个卤蛋。半肥瘦既卤肉，捞埋白饭一齐食，真系完美的配搭。麻辣鸭血整得几出色既小食，唔算真系好辣，偏麻居多。有六件鸭血，口感好腍滑，又唔会硬到好似猪血咁，底下铺满津白，索左浓稠既汤汁，都几唔错。玉米起司蛋卷饼一夹起，半溶既芝士同粟米慢慢溢出，连埋外层烟韧既蛋卷饼一齐食，充满台湾风味。黑糖珍珠奶茶黑糖既甜度好浓郁，珍珠烟韧有咬口。冬瓜茶比我想像中大杯，夏天饮消暑清热，而且甜度都控制得几好。