麥金.麥金馬來西亞特式茶啡室 (已結業)

今日約左個朋友係大角咀見，佢就說不如一齊食呢間馬來西亞菜，我對食係唔抗拒既所以立刻說好呢到既裝橫其實都幾中式，心諗其實係唔係食點心呢，不過坐低左睇番餐牌係冇錯既我地揀左仁噹牛肉配椰漿飯，南洋咖哩麵，馬拉沙爹串燒，咖央多士，加一凍一熱既美祿首先來左個仁噹牛肉配椰漿飯，來到時店員溫馨提示我要撈埋先好吃，真貼心不過我想逐樣試下先，椰漿飯既椰香剛剛好唔會太甜，薯仔做得夠淋，花生硬脆唔會潮曬，魚乾仔亦夠鹹香，加埋煮到好軟身既牛肉同醬汁，分開或撈埋一齊食都係咁好味再來個南洋咖哩麵，鍾意辣既一定要試下，湯底夠濃郁亦夠辣，非常刺激惹味，魚片非常爽口彈牙，咖哩雞亦都淋身及入味，配料充足唔會'揸溜灘'，朋友仲特登張個麵轉做滲滲（油麵加米粉），增加唔同既口感咖央多亦都來埋，我地都趁熱即刻食一件先，外面烤得脆身，入面亦搽滿足夠既咖央醬，大滿足本身諗住叫檳城香炸滷肉卷，不過賣曬唯有轉食串燒，不過都有驚喜，睇支竹簽濃曬以為啲肉會濃曬，點知三串都冇濃到仲係咁有肉香，豬肉爽口，牛肉冇筋，雞肉嫩口，各有各好，最正都係個沙爹醬，唔算辣，但係有足夠香到，仲食到好多花生碎粒，絕對唔係出面普通茶餐廳既質素