Cocolo Tokyo Cake Factory (利東街) (已結業)

今日嚟咗喺灣仔利東街嘅Cocolo Tokyo Cake factory，顧名思義係主打日本直送既糕點！青森蘋果批（$33/件）黎到又點少得主打既日本青森蘋果批呢！蘋果批外脆內軟，外皮食落口好鬆脆，有好多層咁。入面有一粒粒淋淋嘅蘋果肉。因為蘋果酸酸甜甜嘅味道，成個批食落清新而唔會好漏。京都抹茶蛋糕 （$20/件）身為抹茶迷就試埋日本既抹茶蛋糕！抹茶既份量唔太多，但抹茶味都好夠。而海棉蛋糕嘅比例就佔多啲，口感都鬆軟，ok啦，幾抵食。焦糖堅果奶油蛋糕（$25/件）蛋糕上面既焦糖堅果脆脆地，有口感。入面每層有啲焦糖味嘅cream，味道濃郁，焦糖同堅果係唔錯既組合！整體黎講都唔錯，甜度適中。