低温揚げ　白とんかつ　白桜 (已結業)

之前網上好多人推介哩間低溫白豬扒店，終於book到一個夜晚去試，果然好正！一入餐廳就已經好似去左日本咁，環境很relax! 員工態度都好友善懇勤，會主動添茶！先來前菜三款，有青瓜、竹筍同豬柳。三款前菜都好清新、好開胃，啲青瓜同竹筍係清淡嘅蔬菜，微微有啲醋同鹽味，非常適合夏天食。豬柳係熟成咗嘅豬肉，好軟好嫩多汁，仲有啲醬汁一齊食更加好味。蕃茄配高湯啫喱，啲蕃茄好鮮甜，湯汁好濃郁，啫喱口感彈牙，食落幾有嚼勁，整體菜式嘅口感同滋味都好完美。吉列炸蝦同吉列蟹鉗都好值得推介。炸蝦皮脆肉嫩，用啲特製嘅吉列醬汁一齊食真係好好味。蟹鉗都炸得啱啱好，肉質好鮮嫩，啖啖肉架！壓軸既低溫白豬扒配豬柳係今次最驚豔嘅。真係有正宗日本師傅係你面前即製白豬扒！白豬扒肉質好嫩好多汁，肥瘦適中，完全唔會覺得膩，豬柳係較瘦既豬肉，最讓我驚喜嘅係，呢道菜嘅調味料有成5-8種，可以慢慢試，比較深刻既係黑松露同專屬白豬扒既wasabi醬汁，可以加強豬扒本身嘅風味。最後係柚子雪芭，呢道甜品好清新。柚子雪芭味道清新，口感好滑嫩，非常適合作為咁豐富嘅餐飲體驗嘅尾聲。