海南少爺 (已結業)

海南少爺早幾年係新加坡做過一陣野，對新加坡野食一直都念念不忘，一有機會都會係香港食下新加坡菜。今日係海城行完街，就去咗附近既海南少爺食個lunch。今日放假好多人，但都我地排到窗口附近既卡位，有啲自然光透入黎，好舒服。新加坡野食融合咗好多中國菜既元素，所以其實好多選擇。海南雞，肉骨茶，炒貴刁，沙嗲，蝦麵等等。 今次人少少，試咗佢地幾樣野。😋😋海南雞飯，雞既份量都好多，而且雞好大隻下。雞既質地好嫩滑，而且有雞味，好唔錯。配海南雞既三個醬汁調味都好唔錯，尤其是個點醬油，甜甜地，同海南雞好搭，自己最鐘意呢個醬。飯有白飯油飯比大家揀，我就推薦油飯，香口好多！😍😍肉骨茶，今次我地就揀咗新加坡風味既，會比較重蒜同埋胡椒味。材料仲有三隻肉排，豆卜，腐皮同埋油炸鬼。肉骨茶唔算好辣，但胡椒味突出。而肉排好淋身，夾上手已經離晒骨，點埋個有辣椒既黑醬油，好好食。食肉骨茶，必定要配埋油炸鬼，好正架！🥰🥰馬來蝦麵蝦麵湯底蝦味突出，而蝦既品質都幾唔錯，肉質彈牙，而且蝦頭既蝦膏蝦腦唔會苦。麵方面都好貼近新加坡既做法，有油麵同米粉，啲回憶返晒黎。☺️☺️沙嗲肉串(6串)今次我地揀咗雞肉同埋豬肉。個人覺得雞肉串比較好食，嫩