我愛慢煮 (普慶坊) (已結業)

今日去咗西營盤做嘢順便約咗朋友喺呢頭食晚飯。朋友介紹咗一間位於好隱世嘅西式慢煮餐廳，上open rice 睇下menu,價錢算幾抵，所以就二話不說選定依間餐廳。今次叫左一個鐵板牛扒，細嘅西冷牛扒，炸番薯條配黑松露醬。講下個鐵板牛扒，都幾厚切，一切開肉汁就流出嚟，留到個碟都接唔住。裏面肉質非常鮮嫩，加上黑椒同香草，都幾惹味。另外我哋仲叫咗個西冷牛扒，雖然博新少少但份量比頭先鐵板牛扒帶雖然薄左少少，但份量比頭先鐵板牛扒大。雖然冇鐵板牛扒咁多肉汁，但生熟程度啱啱好。最後講下個炸蕃薯條，好脆好熱辣辣，配埋個黑松露醬，非常之夾，值得一試！總括嚟講，如果大家預算冇咁多又想試吓慢煮餐廳，不妨去試一試！