小松鼠 (怡豐花園) (已結業)

同朋友一齊食晚飯，即日預約都有位，不過就要等一等。我地點左二人餐，因為有湯有包，主菜，意粉+小食，係抵食既。湯味道還可以，但係當你飲過真正足料嘅蘑菇湯後，之後去邊度飲嘅湯都覺得一般般。小食我地選咗雞鎚，有少少辣，但係都幾好味。安格斯牛好juice，我同先生都大讚好味。黑松露帶子意粉，我覺得味道偏濃，鹹咗少少。整體而言，元朗西餐嚟講性價比都算高，不過唯一唔好處係抽風系統較差，離開餐廳聞到自己有油煙味，好似去完食雞煲咁。