肯德基家鄉雞 (KFC) (已搬遷) 新店位置

今日晚餐係家傳戶曉嘅肯德基，炸雞就由細食到大 肯德基不停推陳出新，隔幾個月就出一款新雞。今次新出嘅係牛油蜂蜜脆雞，套餐連大蘑菇飯，配葡撻一件，再加杯汽水，都只係47蚊， 算係幾抵。主角嘅牛油蜂蜜脆雞，炸粉上面似乎有一啲類似脆米嘅東西，所以咬口特別脆，牛油同蜂蜜係想像唔到咁夾，甜甜地加上油膩感，係想像唔到嘅滿足。而雞肉都算幾嫩滑，個人覺得仲好食過某啲舖頭嘅韓式炸雞。 之後食埋個大蘑菇飯，再飲埋杯汽水解返油膩感，真係好滿足。