影片
更多
2023-05-08
570 浏览
望住成個維港，飲住酒食住正宗西班牙菜，真係人生一大樂事😍呢間餐廳位於紅磡海逸豪園酒店樓下，唔去住酒店應該都唔會發現佢。餐廳嘅景色、環境、服務、食物，全部都好滿意🥰而且有勁多酒🤩啱晒鍾意飲酒嘅我🤣生蠔，$128 三隻前菜梗係要試吓佢嘅生蠔，是日生蠔大概係no.3嘅大細，不過好肥美，配嘅汁好特別，黃色嘅係熱情果味，酸味十足，好開胃。龍蝦湯，$148龍蝦湯非常值得一試，尤其係上面嘅面包脆片配上龍蝦肉，好好味😋湯好濃郁，不過又唔會太鹹。西班牙拼盤，$158呢份係地中海風味嘅拼盤，有我好鍾意食嘅茄子泥同鷹嘴豆泥，佢菜單係擺係tapas度嘅，所以完全估唔到份量會咁足，可以當一份主食😆龍蝦包，$128我哋仲試咗一隻龍蝦包，好好味，推介大家都要試吓，上面嘅一絲絲嘅龍蝦加上佢哋自家製醬，好好味，下面嘅包用牛油烘過，好香😍脆皮燒豬$298，主食要咗佢推介嘅脆皮燒豬，有驚喜，同想像中又肥又膩嘅燒豬完全唔同，佢層皮真係好脆，啲肉又好嫩，食落一啲油膩嘅感覺都冇，正👍🏻海鮮飯，$288西班牙菜嘅招牌絕對係海鮮飯，每次食都會點一份嚟試吓。佢上面有蝦、青口、帶子同蜆，每樣都煮到好入味，米飯非常有咬口，好juicy，食
生蠔，$128 三隻
前菜梗係要試吓佢嘅生蠔，是日生蠔大概係no.3嘅大細，不過好肥美，配嘅汁好特別，黃色嘅係熱情果味，酸味十足，好開胃。
龍蝦湯，$148
龍蝦湯非常值得一試，尤其係上面嘅面包脆片配上龍蝦肉，好好味😋湯好濃郁，不過又唔會太鹹。
西班牙拼盤，$158
呢份係地中海風味嘅拼盤，有我好鍾意食嘅茄子泥同鷹嘴豆泥，佢菜單係擺係tapas度嘅，所以完全估唔到份量會咁足，可以當一份主食😆
龍蝦包，$128我哋仲試咗一隻龍蝦包，好好味，推介大家都要試吓，上面嘅一絲絲嘅龍蝦加上佢哋自家製醬，好好味，下面嘅包用牛油烘過，好香😍
脆皮燒豬$298，
主食要咗佢推介嘅脆皮燒豬，有驚喜，同想像中又肥又膩嘅燒豬完全唔同，佢層皮真係好脆，啲肉又好嫩，食落一啲油膩嘅感覺都冇，正👍🏻
海鮮飯，$288
西班牙菜嘅招牌絕對係海鮮飯，每次食都會點一份嚟試吓。佢上面有蝦、青口、帶子同蜆，每樣都煮到好入味，米飯非常有咬口，好juicy，食完真係好飽但又唔會好膩。
巴斯克蛋糕配紅莓雪芭，$108
原本唔諗住點甜品，點知坐坐吓傾傾吓偈，又好似食得落😆佢嘅巴斯克好實在，所以配搭酸酸哋嘅紅莓雪芭就一流啦，可以解膩，鍾意食芝士蛋糕嘅人一定會鍾意。
開心果雪糕，$48
呢球雪糕真係無論去食飯定飲酒都建議大家叫嚟食，好香好重嘅開心果味，完全唔輸比啲雪糕店，好好味😋
飲品方面都真係要介紹吓，因為酒類飲品好多好齊全，下次一定會再去👍🏻我話想要杯冇咁甜嘅cocktail，店員好細心，仲問我飲唔飲gin，之後介紹咗一杯bb g&t，用gin酒調配，好啱我☺️而阿妹就飲咗杯冇酒精嘅virgin sangria，提子味嘅果汁配上大量水果粒，亦都唔會太甜。
佢位置都幾方便，大家如果日頭嚟就可以望住個海景hea足一個下晝，當然，夜晚個view就梗係更正啦😍下次去再同大家分享啦。
张贴
