影片
更多
2016-07-25
13958 浏览
同朋友係尖沙咀行街行到肚餓，就睇下附近有咩嘢食，結果係k11附近發現咗呢間意大利餐廳。我哋見到間餐廳嘅裝修都幾別緻，所以就入咗去啦。侍應安排咗我哋坐近窗邊嘅位。一坐低，發現坐嘅唔係硬嘅凳，而係疏化，坐得舒服，食都食得開心啲😚嗰menu有好多選擇，pasta，risotto，main course 都有好多款可以揀。我同朋友就揀咗香蒜大蝦牛肝菌天使麪同燒帶子野菌意大利飯。香蒜大蝦牛肝菌天使麪，配有2隻肥美嘅大蝦，大廚特意為大蝦保留咗尾部，為賣相加分。天使麫配上了微辣嘅汁，加上平均分佈嘅牛肝菌，互相配合得很好，而且麪條嘅軟硬適中，汁亦全滲透於麪條之中。燒帶子野菌意大利飯，以幾塊芝士係面嚟上枱。意大利飯能夠保持濕潤，黏度啱啱好。帶子燒得好香，但唔會燶，外層燒到金黃色，內裏仍然有咬口。野菌亦為意大利飯加了分，令到菜式多咗變化，唔會得飯咁齋。最後，當然唔少得甜品啦。我哋就點咗心太軟，成碟嘅擺設都好靚。嗰蛋糕好軟熟，唔係海綿質地! 最重要嘅，一切開嗰蛋糕，啲朱古力醬就流曬出嚟！而嗰雪糕都特登加上咗杏仁片，令到成嗰心太軟嘅味道層次提升，值得一試。整體嚟講都唔錯! 行開尖沙咀嘅朋友可以一試!
同朋友係尖沙咀行街行到肚餓，就睇下附近有咩嘢食，結果係k11附近發現咗呢間意大利餐廳。
我哋見到間餐廳嘅裝修都幾別緻，所以就入咗去啦。侍應安排咗我哋坐近窗邊嘅位。一坐低，發現坐嘅唔係硬嘅凳，而係疏化，坐得舒服，食都食得開心啲😚
嗰menu有好多選擇，pasta，risotto，main course 都有好多款可以揀。我同朋友就揀咗香蒜大蝦牛肝菌天使麪同燒帶子野菌意大利飯。香蒜大蝦牛肝菌天使麪，配有2隻肥美嘅大蝦，大廚特意為大蝦保留咗尾部，為賣相加分。天使麫配上了微辣嘅汁，
加上平均分佈嘅牛肝菌，互相配合得很好，而且麪條嘅軟硬適中，汁亦全滲透於麪條之中。
燒帶子野菌意大利飯，以幾塊芝士係面嚟上枱。意大利飯能夠保持濕潤，黏度啱啱好。帶子燒得好香，但唔會燶，外層燒到金黃色，內裏仍然有咬口。野菌亦為意大利飯加了分，令到菜式多咗變化，唔會得飯咁齋。
最後，當然唔少得甜品啦。我哋就點咗心太軟，成碟嘅擺設都好靚。嗰蛋糕好軟熟，唔係海綿質地! 最重要嘅，一切開嗰蛋糕，啲朱古力醬就流曬出嚟！而嗰雪糕都特登加上咗杏仁片，令到成嗰心太軟嘅味道層次提升，值得一試。
整體嚟講都唔錯! 行開尖沙咀嘅朋友可以一試!
张贴
