吉列牛忌廉烏冬專門店 (彌敦道) (已結業)

之前成日喺IG見到呢一間食吉列牛，望落去好吸引，想試咗好耐。今日難得早收工終於都的起心肝約朋友一齊去試。🔥吉列牛定食個定食嘅吉列牛分量都幾多，一上嚟已經炸到外脆內軟，食之前再喺鐵板上面燒一燒，再加埋有飯素嘅白飯，真係好唔錯。🔥忌廉咖喱烏冬（雞肉）望落成片白色仲要為個忌廉會好Heavy，但食落成個cream好輕身，唔會好膩。下面烏冬個咖喱味夠香濃，雞肉亦都好嫩滑。🔥Kobekyu滋味單骨雞翼脆卜卜嘅雞翼上面沈滿咗味粉，相當惹味。而且開晒單骨，食得相當方便。🔥綠茶Latte 佢個cream同忌廉烏冬個cream一樣咁輕身，綠茶味又夠濃。仲大杯到要滿瀉。🔥Citrus Ocean 成杯野藍色好吸晴，飲落有淡淡的檸檬同柚子味，好清新，啱晒我食完咁多濃味嘅嘢之後飲。