影片
更多
2010-06-04
15 浏览
同幾個朋友相約聚會, 大家都想帶同小朋友一齊飲飲食食. 睇報紙, 雜誌一直都揾唔啱心水, 唔係試過唔好食. 就係價錢太貴. 大家都知小朋友食得幾多? 最緊要好玩!!!對於有多位只要有得玩係可以唔駛食嘅小嘩鬼嚟講, 佢哋係唔會理會收費有幾昂貴, 但求食到半飽就已經可以捱足一日. 最後我靈機一觸, 諗到openrice裡面有coupon, 重比我發現呢到假日係食4個鐘Buffet, 一通知朋友即一致通過. 去到時見地方細細, 但食物就五花八門; 唔叫好多選擇, 但夠精; 唔會有炒粉麵飯, 但有齊多國美食, 加上味道同賣相真係唔錯, 食完第一輪, 大家都讚好.一開始食羊扒, 夠淋唔覺蘇, 我哋個個都encore. 跟住食三文魚, 都算新鮮. 然後食泰國加喱, 用薄餅配嚟食都ok, 嗰到有白飯供應, 如果唔怕飽我諗更好味. 而我老公就攞咗印度加喱羊, 加喱好香羊肉好淋, 同薄餅係絕配.甜品有不同味道蛋糕同慕思, 每件都細細件, 一口一件, 實在可以試勻全部都唔覺漏, 而且味道好好, 我就最欣賞麵包布甸. 不過Taramisu就差d, 好少食到無味嘅, 感覺怪怪的.另外, 呢到有原盅蒸飯, 喺其
對於有多位只要有得玩係可以唔駛食嘅小嘩鬼嚟講, 佢哋係唔會理會收費有幾昂貴, 但求食到半飽就已經可以捱足一日.
最後我靈機一觸, 諗到openrice裡面有coupon, 重比我發現呢到假日係食4個鐘Buffet, 一通知朋友即一致通過.
去到時見地方細細, 但食物就五花八門; 唔叫好多選擇, 但夠精; 唔會有炒粉麵飯, 但有齊多國美食, 加上味道同賣相真係唔錯, 食完第一輪, 大家都讚好.
一開始食羊扒, 夠淋唔覺蘇, 我哋個個都encore. 跟住食三文魚, 都算新鮮. 然後食泰國加喱, 用薄餅配嚟食都ok, 嗰到有白飯供應, 如果唔怕飽我諗更好味. 而我老公就攞咗印度加喱羊, 加喱好香羊肉好淋, 同薄餅係絕配.
甜品有不同味道蛋糕同慕思, 每件都細細件, 一口一件, 實在可以試勻全部都唔覺漏, 而且味道好好, 我就最欣賞麵包布甸. 不過Taramisu就差d, 好少食到無味嘅, 感覺怪怪的.
另外, 呢到有原盅蒸飯, 喺其他Buffet好少見. 起初重諗住share, 最有趣係打開時係一個普通飯碗咁細, 我個仔食完叫我攞番個試吓就已經知道係唔錯, 而且酒店呢方面真係明白食Buffet者嘅心態----每樣都想試, 每樣食少少----細細件唔會浪費.
最後, 我就試咗pancake, 可以再encore, 但我真係好飽嘞! 我d朋友就飲湯, 講真, d湯好夠火喉, 而小朋友就一人一杯軟雪糕, 味道ok, 但質感較差, 比較水咗d. 但整體好好, 食物款式多, 水準比一般lunch/tea buffet 好, 而且服務員態度親切, 最重要係食客無爭相搶食.
呢度真係幾啱一班人一路食一路傾(尤其係我哋呢d長舌婦). 一般食兩個鐘嘅Buffet真係有d時間緊迫, 都唔知係嘩鬼食定我食好, 中間無時間比佢哋比拚, 而我哋亦都唔夠時間發表偉論. 所以呢度真係假日唔錯嘅選擇.
重有一樣值得一去, 就係40樓嘅Sky Garden. 食完Buffet上去坐吓, 上面風景好靚, 睇吓我d相就知!
张贴
