影片
更多
2022-01-10
97 浏览
星期日放假早早行完山，想去將軍澳海濱食個靚Brunch Chill一Chill，就俾呢間有點型格門面鮮橙色嘅美式餐廳所吸引，決定入去試一試。由於我地2個人唔算太肚餓，就點咗一個Waffle、一個Croffle同一杯飲品。 Waffle with Caramel Banana and Vanilla Ice Cream(Half)- $68窩夫真心有點驚喜～食窩夫最驚就係太淋同太乾，但今次完全唔會！焗得岩岩好而且外脆內鬆軟，入面有齊蕉糖香蕉，雲呢拿雪糕同有oreo既Cream，所以食落一啲都唔會覺得乾。雪糕係幼滑Creamy既口感，我地影咗一陣相都未溶，高質! Double Cheese & Ham Croffle with Green Salad - $82唔知大家有冇食過Croffle，即係Croissant+Waffle的混合版，呢一年都幾興架～食過最好食既Croffle係坑紋位好似餅乾咁脆口，而其他位置保持牛角包個種蘇脆，口感非常豐富架。但個心認為今次既Croffle壓得唔夠實，食落同普通牛角包分別不大，另外芝士比我想像中少，所以芝士味未夠濃厚。不過伴碟既沙律酸酸maymay可以
由於我地2個人唔算太肚餓，就點咗一個Waffle、一個Croffle同一杯飲品。
Waffle with Caramel Banana and Vanilla Ice Cream(Half)- $68
窩夫真心有點驚喜～食窩夫最驚就係太淋同太乾，但今次完全唔會！焗得岩岩好而且外脆內鬆軟，入面有齊蕉糖香蕉，雲呢拿雪糕同有oreo既Cream，所以食落一啲都唔會覺得乾。雪糕係幼滑Creamy既口感，我地影咗一陣相都未溶，高質!
Double Cheese & Ham Croffle with Green Salad - $82
唔知大家有冇食過Croffle，即係Croissant+Waffle的混合版，呢一年都幾興架～食過最好食既Croffle係坑紋位好似餅乾咁脆口，而其他位置保持牛角包個種蘇脆，口感非常豐富架。但個心認為今次既Croffle壓得唔夠實，食落同普通牛角包分別不大，另外芝士比我想像中少，所以芝士味未夠濃厚。不過伴碟既沙律酸酸maymay可以解一解膩。整體尼講都合格啦
Green Tea Latte - $39
顏色同拉花望落都好吸引，不過奶泡唔算好綿密，放左一陣間已經慢慢消失中～～
味道方面都好Rich, 抹茶味濃郁帶有苦澀味,中意茶味濃既朋友可以一試。
環境方面都算幾多位，但同隔離位都幾近，傾計係一定會聽到既。而侍應們都好Nice & Friendly,後生為主，整體俾客人既體驗感唔錯。題外話，呢一排餐廳都係pet-friendly，本人係狗狗lover,見到狗狗們心情都好D!
Waffle with Caramel Banana and Vanilla Ice Cream(Half)
$68
12 浏览
1 赞好
0 留言
Double Cheese & Ham Croffle with Green Salad
$82
6 浏览
0 赞好
0 留言
Green Tea Latte
$39
4 浏览
1 赞好
0 留言
张贴
