假期入左大埔踩單車，入夜就去左科學園食晚飯，估唔到原來科學園都幾多餐廳，今次搵到間農家菜，超有驚喜😍
爆汁乳鴿
咬開真係爆肉汁，火喉燒得岩岩好，皮脆肉嫩，乳煲更加係由自家農場14日穀飼既BB鴿🐦而且店家仲準備左即棄手套真貼心，用手食乳鴿零舍滋味
1
鹵水豆腐
鹵得好入味，而且豆腐好滑，軟硬適中
爽脆海蜇頭
麻油味好香濃，海蜇頭口感爽脆，味道鮮甜，做前菜一流
拉絲啤梨（芝士）
青青綠綠啤梨外型超可愛，糯米外皮入口煙韌唔會太厚，內餡係拉絲芝士，甜甜咸咸既味道幾得意
沙薑懶人雞
何謂懶人雞？雞肉已經預先去骨，第一次食炸子雞類既菜式會係無骨🐥😂啖啖肉，而家雞皮好脆好香，雞肉脂肪唔會過多，細細既薑粒係雞肉中間，更加中和到膩感
1
肉骨茶
超吸睛紫砂茶壺造型🫖將肉骨茶湯倒入功夫茶小杯，每次細細啖更加飲得出肉骨茶濃濃既胡椒同當歸味，而且係紫砂茶壺中既湯水保溫非常厲害，就算食到飯餐尾段啲湯仲熱🔥
魚香棋子
初初睇到菜式名既時候係一頭霧水😂果然係魚香茄子既friend😆沾滿炸漿既厚切茄子片炸得香脆唔肥膩，上面佈滿魚香肉碎，咸咸香香，係魚香茄子既變奏版
田園炒花青苗（XO醬）
花青苗好特別，一般餐廳實在少見，有啲似超迷你翠玉瓜既口感，XO醬少少咸香，唔太辣，加埋彩椒同鮮冬菇一齊炒，惹味得黎又食到蔬菜既鮮甜🌱
烈焰菠蘿炒飯
又一打卡菜式📷店員先從菠蘿表面點火，然後你就會見到一個著火既菠蘿🍍😂啲火熄晒之後揭開菠蘿蓋見到啲炒飯塞到滿晒😳炒飯粒粒分明，而且超多菠蘿粒，甜甜咸咸幾開胃🤤
貓山王榴槤
超期待呢個甜品💚造型拎晒100分💯
榴槤味比較輕，屬於比較易入口既榴槤甜品，有少少椰汁味平衡返，口感少少似布甸，其中都會食到有絲絲榴槤肉
BB雞（流沙奶黃包）
原來一籠有2粒，雖然已經好飽，不過真係幾好食所以食埋😂真．流沙奶黃，一咬開要小心奶黃噴出黎，包都軟熟，呢隻雞🐥內外兼備😂
菊花普洱．桂花烏龍
冷泡茶花味濃郁，入口清爽涼快，夏天飲更可消暑☀️
