Polaris

营业中

休息中

今晚週末食好野試新野。是晚大滿足。餐廳環境氣氛好舒服同有格調因為早食晚飯，大概六點，所以唔使等位，但原來已經8 成枱被book , 睇黎呢間餐廳好受歡迎。先上餐包，原來係多士+ 橄欖油配醋，多士脆卜卜，橄欖油香滑，如果醋可以放多啲同多士可以大塊啲就更好了。薯條配他他醬，原來個醬先係主角，酸酸甜甜，獨家配方，好食到想refill 呀。主食虎蝦明太子忌廉意粉。超好味，好入味，大大隻虎蝦好彈牙，個意粉色香味俱全，讚！香煎帶子水牛芝士紅菜頭意大利飯，個飯好正宗帶少少硬，紅菜頭清香配帶咸既帶子同水牛芝士，呢個配搭好夾。熱奶茶香滑濃，正。