果子｜海南雞飯·喇沙摻摻 (啟昌樓) (已結業)

值得一試再試既「果子」。環境舒服，裝飾好靚，牆上面全部係靚靚既掛牆盆栽，簡約得黎又好有生氣👍🏻

同朋友下午茶去，好肚餓咁叫好多，食咗海鮮喇沙摻摻，海鮮足料，大蝦同蜆都新鮮好甜。
無骨海南雞，皮滑肉嫩，黃油飯好香唔膩。
併盤每樣都好食，重點係跟餐餐飲有得揀柚子蜜/ 檸檬薏米水，唔洗加錢，正！ 仲有其他特飲珍珠奶茶可揀，但我梗係潤下飲健康啲😝

餐廳仲好細心提供酒精搓手液俾客人任用之餘，可以用良心價購買。

用心小店一定多多支持！ ✌🏻