影片
更多
2021-06-11
98 浏览
講起cafe, 絕對係呢十年嚟既回憶之一。而旺角既cafe就係最常去既，勝在多選擇同地點位置方便。約咗個之前成日都一齊去cafe飲飲食食既朋友重遊舊地，但今次由朋友決定去食「孖啡」。店舖位置於人流集中地，入便空間寬敞，坐得非常舒服。All day breakfast$132唔知由幾時開始，對ALL DAY情有獨鍾，可能貪佢勝在多嘢食，有我最鍾意既薯餅同炒滑蛋。個蛋炒得好滑但唔算用好多油，有蛋味，不過如果加少少奶/多少少奶味就perfect.薯餅炸得剛好，冇燶亦唔會好多油係面，沙律菜新鮮爽口，牛角包正常，熱返小小就更好。龍蝦海鮮天使麵$126對比意粉，我個人更偏愛天使麵，貪佢口感幼滑啲，配埋汁都冇咁"漏"龍蝦汁幾入味幾香無過咸，亦煮得剛好，因為都幾唔鍾意食到一舊舊粉既感覺，青口同其他海鮮亦都好新鮮。水牛城雞翼$58呢個令我幾驚喜，雖然水牛城雞翼一向都帶辣，但佢呢個味調配得好好，絕對無過辣去蓋過咗本身個汁，雞翼煮得熟完全無雪味，呢個價錢有6隻，超級抵食！隱者（左）月亮（右）2杯飲品各有特色，唔會過份甜，亦可以解膩，唯一我唔太鍾意係佢下面啲配料。而月亮呢杯沙冰亦唔會得啲冰味，荔枝同菠蘿味好夾
而旺角既cafe就係最常去既，勝在多選擇同地點位置方便。
約咗個之前成日都一齊去cafe飲飲食食既朋友重遊舊地，但今次由朋友決定去食「孖啡」。
店舖位置於人流集中地，入便空間寬敞，坐得非常舒服。
All day breakfast$132
唔知由幾時開始，對ALL DAY情有獨鍾，可能貪佢勝在多嘢食，有我最鍾意既薯餅同炒滑蛋。
個蛋炒得好滑但唔算用好多油，有蛋味，不過如果加少少奶/多少少奶味就perfect.
薯餅炸得剛好，冇燶亦唔會好多油係面，沙律菜新鮮爽口，牛角包正常，熱返小小就更好。
龍蝦海鮮天使麵$126
對比意粉，我個人更偏愛天使麵，貪佢口感幼滑啲，配埋汁都冇咁"漏"
龍蝦汁幾入味幾香無過咸，亦煮得剛好，因為都幾唔鍾意食到一舊舊粉既感覺，青口同其他海鮮亦都好新鮮。
水牛城雞翼$58
呢個令我幾驚喜，雖然水牛城雞翼一向都帶辣，但佢呢個味調配得好好，絕對無過辣去蓋過咗本身個汁，雞翼煮得熟完全無雪味，呢個價錢有6隻，超級抵食！
隱者（左）月亮（右）
2杯飲品各有特色，唔會過份甜，亦可以解膩，唯一我唔太鍾意係佢下面啲配料。而月亮呢杯沙冰亦唔會得啲冰味，荔枝同菠蘿味好夾，好清新！
呢間cafe 仲可以邊食邊玩boardgame, 非常適合一班朋友chill下聯誼下，但因疫情關係，我同朋友都決定今次唯有忍痛停賽，等疫情完結再決戰！
總體嚟講，孖啡算係一間性價比不俗既cafe, 價錢亦合理，因為佢份量都絕無欺場！最重要係環境唔會嘈，就算同朋友傾計食飯都覺得十分舒適寫意。
孖啡，下次再見！
张贴
