金田家 (已結業)

又係我呢個拉麵狂喇。今日入元朗Yoho行街時，見到呢間都聽過係幾出名既過江龍拉麵店。咁好奇心驅使下我就行左過去睇下個餐牌，見到價錢幾合理，都多人食，就諗都冇諗入去食了。坐低之後，都見有唔少人陸續入黎食。望真d，原來呢間拉麵店連倫敦都有分店。而職員好熱情，每逢有客人入座同離開，都會有greeting。 拉麵款式方面都有好多，主要有8種，所以我都揀左好耐。最後，我叫左個黑松露拉麵。個口感同味道都幾特別，食落又幾好味。個肉都值得一讚，肥瘦比例岩岩好，亦好香口。鍾意食蛋既我就追加左隻溏心蛋，熟度拿捏得宜，不會太熟，亦不會太生。另外，又於我係綠茶迷，所以仲叫左個煎茶飲。黎到發現個設計都幾得意，個頂可以做蓋，又可以做杯，可以一物二用。總括黎講，呢間拉麵店好值得一試。