炯記手撕雞 (汝州街) (已結業)

今日朋友話想食手撕雞，搵咗好多間決定試呢一間炯記手撕雞！去到餐廳已經好多人，但係都好快搵到位。我哋好肚餓，嗌咗：1️⃣招牌鹽焗手撕雞：每絲雞肉都充滿着鹽焗雞味，鮮味嫩滑，齒頰留香，份量足夠2️⃣一份鴛鴦手撕雞腸粉：腸粉新鮮製造，皮薄軟糯，併上麻辣手撕雞，相得益彰3️⃣辣蕃茄雞扒湯米線：雞扒鹹酥香口，辣蕃茄湯開胃加上爽滑嘅米線，絕對係性價比之選4️⃣上湯浸津白：中和其他菜式嘅口味，津白鮮甜可口，為這一餐畫上完美嘅句號。