喜喜麵館 (已結業)

崇潔街又新開一間車仔麵，哩條街嘅車仔麵都食過哂，又睇睇哩間新開嘅車仔麵質素點先？鋪頭唔係好大，冷氣就.... 啱啱好啦！由於夜晚約咗朋友食海鮮，所以 Lunch 唔點太多餸，羅白，蠔油冬菇同滷水豬大腸，多蔥，多蒜！未講添，我要嘅麵底係米粉。相比起崇潔街其他車仔麵嘅豬大腸，喜喜嘅豬大腸更啱我口味，豬腸更入味更冧，掂！除咗豬大腸之外，我亦都欣賞佢地嘅蠔油炆冬菇，同一條街嘅車仔麵，冬菇無用蠔油煮，令冬菇偏淡，喜喜嘅蠔油冬菇夠入味，如果冬菇大粒d更理想。米粉係最滿意一環，米粉特別幼細，有d似麵線嘅口感，Like!湯底飲得出落咗唔少功夫，雖要肥膩咗d但味道鮮甜，係崇潔街車仔麵中最好味嘅湯底！有時間一定會再黎幫襯！