Signature by 5R (已結業)

最近留意到一間啱啱喺港鐵香港站新開左冇耐嘅甜品舖Signature by 5R，佢哋嘅甜品製作非常精美，我第一眼望到就已經被深深吸引住。Horn賣相精美，外皮非常之香脆，入口鬆軟又有層次，牛油香味突出。Avocado cake蛋糕大有淡淡的牛油果香味，入口偏向creamy。Lychee cake外型都幾似荔枝㗎，蛋糕嘅外皮用上朱古力同埋果仁模仿荔枝皮。蛋糕嘅荔枝香味突出，入口非常之清新，亦都唔會覺得成個蛋糕太過甜。Classic walnuts napoleon依種嘅拿破崙喺香港比較少見，外型都非常特別，蛋糕用上合桃等等嘅材料製成，令到人一邊食蛋糕一邊可以感受到合桃嘅香味。Banana chocolate cake呢個蛋糕賣相好靚，加上呢個蛋糕做得好好嘅地方就係香蕉味同朱古力味都做得非常之平衡。Matcha red bean mochi cake抹茶嘅味道非常之香濃，又唔會太過苦澀，估唔到蛋糕配上紅豆以及軟綿綿嘅麻薯都幾襯喎。整體來講，呢間店舖嘅西式糕點質素唔錯，價錢亦都合理，唔怪之得咁多人嚟幫襯啦。📍Signature by 5R (中環)中環港鐵香港站29號舖#香港蛋糕店 #香港烘