阿木台灣麵 (廣華街) (已結業)

今日終於去咗阿木台灣麵，次次經過見到都好多人，次次都要排隊，大排長龍。今次終於同朋友的起心肝走咗去試，為咗唔想等咁耐呢就特登兩點幾嘅時候先至去，但點知原來都係咁多人，不過出奇她又唔係話真係等咗好耐。入到去，入面有啲幾好聽嘅歌，幾舒服。入去之前已經比啶Menu我哋。我同朋友叫咗紅燒牛肉麵同埋鹽酥雞，因為聽講麵係每日手工製造。另外出名嘅應該係麻辣醬但係因為唔食辣所以冇試。講返啲牛肉麵先我覺得個湯底甜甜地，幾香幾好食。而鹽酥雞呢佢有椒鹽粉俾你再落，我覺得幾好因為有啲人可能唔想食咁咸。而且啲雞唔會落得太多渣粉。總結來講，嘢食幾好食，食完之後勁飽。因為今次冇食蛋餅所以下次可以再去。