小曼谷泰國美食 (南角道)

同男友人講左好多好多次想去九龍城食泰國菜，我地仲一早check 左邊間多review 又好評，最後shortlist 左幾間，不過去到門口見呢間環境最四正就入左去。


落單個職員幾好，會介紹下個餐廳，有咩想要佢推薦都可以！



泰菜又點可以唔試冬蔭公，今次選左冬蔭雞湯，味道酸酸辣辣，偏辣多，但係小妹唔太食得辣都食到，好開胃。雞呢，小妹覺得正常嘅，仲有好多秀珍菇添！最好係佢一直保温，湯keep 住都好熱，對温度好有要求嘅小妹大讚！

冬蔭公雞湯

冬蔭公雞湯

另外，我地叫左個青咖哩海鮮配白飯，個青咖哩很香椰汁味，唔辣，海鮮都好足料，有帶子、蝦、青口、好多蜆、魷魚等！

青咖哩海鮮

我地仲叫左個炸軟殼蟹，$98好大碟好抵食！

香酥軟殼蟹

最後試埋串燒，一雞一牛一雞髀菇，雞牛都係tender 嘅，讚！

串燒

仲叫多個椰青，好凍唔太甜，小妹覺得幾好。

椰青

總結，小妹同男友人都覺得好滿足，兩個人$399，所有食物都好up to standard, 小妹話要每個月黎食一次呢！