宇鮨日料 (已結業)

葵涌和宜合道平民日式小店，今晚第一次黎食，驚喜十足。食物有好多選擇，刺身都有20款，仲有18款壽司，13款熟壽司，14款軍艦，12款卷物，炸物，小食，4款沙律，定食，丼飯，烏冬，4款鍋物，刺身套餐，壽司套餐，清酒同飲品。小店同一般連鎖唔同，宇鮨主打即叫即做，絕對唔係食雪櫃存貨，淨係呢一點都值得我下次再回頭幫襯。今晚叫左3樣炸物，吉列蝦，蠔同豬扒。每樣上到枱都熱辣辣又脆卜卜。壽司份量十足，特別推介海膽軍艦，赤海老壽司。刺身方面赤穗蠔同原隻活赤貝都好鮮甜，赤穗蠔都只係38蚊一隻，好抵食。店鋪環境乾淨，用QR CODE落單，外賣自取仲有9折添。