影片
更多
2020-01-27
179 浏览
位於四坡坊嘅串燒小店，雖然要轉入小路，不過位置都非常易搵。我哋入座嘅時候係六點，佢哋啱啱準備好，店內空間雖然不大，不過座位唔算好迫夾，每張枱中間都有足夠嘅空間。店員奉上熱麥茶，如果你想嗒返兩杯，佢哋都有唔同的酒類提供，重點是酒類都不太貴！首先上枱嘅係前菜-冷蕃茄。好簡單嘅一個新鮮雪冷咗的生番茄，淋上酸酸甜甜嘅醬汁，好醒胃，而且番茄本身都好新鮮，甜甜地唔會太酸。好食！之後我哋點的3個串燒一次過上枱。鹽燒雞胸軟骨只用上鹽等簡單的調味醃製，雞味不會被掩蓋，灑上少少檸檬汁，清新又香口，味道剛剛好！牛舌厚薄適中，唔會太韌！值得推介係個豚大腸山葵燒，豬大腸燒得剛剛好，表面脆口而裡面的脂肪仍然能夠保留到，入口滿滿脂肪香味配上山葵，即係黃芥辣非常搭配！之後係唐揚豆腐，熱辣辣的炸豆腐配上凍冰冰的醬汁，口感好特別。表面一絲絲紅色唔知係咩，但食落有七味粉的味道，幾得意。炸豆腐內裡好滑好有豆香，應該是用上日本豆腐做出的。重點推介來了！！厚燒玉子！玉子唔係平時你喺壽司店見到一早整定硬實實的玉子，係即場燒出來的厚玉子，淨係手工都已經好值錢。店員教路每一啖玉子都拎少少蘿蔔蓉伴埋一齊食，會好味啲！即燒出來熱辣辣的玉子
我哋入座嘅時候係六點，佢哋啱啱準備好，店內空間雖然不大，不過座位唔算好迫夾，每張枱中間都有足夠嘅空間。店員奉上熱麥茶，如果你想嗒返兩杯，佢哋都有唔同的酒類提供，重點是酒類都不太貴！
首先上枱嘅係前菜-冷蕃茄。好簡單嘅一個新鮮雪冷咗的生番茄，淋上酸酸甜甜嘅醬汁，好醒胃，而且番茄本身都好新鮮，甜甜地唔會太酸。好食！
冷番茄
12 浏览
0 赞好
0 留言
之後我哋點的3個串燒一次過上枱。鹽燒雞胸軟骨只用上鹽等簡單的調味醃製，雞味不會被掩蓋，灑上少少檸檬汁，清新又香口，味道剛剛好！牛舌厚薄適中，唔會太韌！值得推介係個豚大腸山葵燒，豬大腸燒得剛剛好，表面脆口而裡面的脂肪仍然能夠保留到，入口滿滿脂肪香味配上山葵，即係黃芥辣非常搭配！
之後係唐揚豆腐，熱辣辣的炸豆腐配上凍冰冰的醬汁，口感好特別。表面一絲絲紅色唔知係咩，但食落有七味粉的味道，幾得意。炸豆腐內裡好滑好有豆香，應該是用上日本豆腐做出的。
重點推介來了！！厚燒玉子！
厚燒玉子
21 浏览
0 赞好
0 留言
玉子唔係平時你喺壽司店見到一早整定硬實實的玉子，係即場燒出來的厚玉子，淨係手工都已經好值錢。店員教路每一啖玉子都拎少少蘿蔔蓉伴埋一齊食，會好味啲！即燒出來熱辣辣的玉子，配上凍蘿蔔蓉，加埋醬汁味道好配搭。而且蛋味濃郁，仲非常滑口！單價雖然唔平，但食得出廚師的心機。
蕎麥面個冷麵汁就普普通通，不過個麵質就非常爽口彈牙，而且份量都唔少，都OK!
臨走前忍唔住同個店員講，你哋嘅食物好有心機，要加油！
如果大家想搵一間有水準嘅串燒店，可以試吓啊！
张贴
