影片
更多
2016-09-07
543 浏览
離家很近的泰國菜館，一直想試很久了，但等位的人很多，經常放棄不等，今晚見唔係好熱，人亦不算太多，一於黎等一等佢。自助攞飛，睇一睇叫號，原來都有成四五張枱，一等就等左廿幾分鐘。門口已經睇定餐牌，一坐低即點菜，好肚餓呀飲品先上，一杯三色冰，一杯凍奶茶。三色冰椰香奶滑，奶茶茶濃帶小小香料味，跟港式奶茶不一樣，但好難比較邊種好飲啲，反正就係正。串燒香噴噴，要了牛豬雞每樣兩串，燒得好香口但不乾身，咬落仲好juicy，正呀。點埋個沙嗲醬就一流，咸咸甜甜勁濃花生味，配串燒真係好好味。冬蔭功湯，呢碗係隨下面叫的烏頭魚的，等一下加進去同條魚一齊滾，冬蔭功酸酸咸咸，微辣，好香香葉味但不重奶味，就咁飲都好正。哼哼哼，期待已久的冬蔭功明爐魚，賣相好靚喎，睇下好唔好味先。烏頭魚十分肥美，皮下魚油極多，魚肉鮮甜嫩滑，好正呀加入冬蔭功湯更鮮味，配料有芫荽，蕃茄仔，草菇，豆卜等，吸飽了湯好好味。追加了蒜香包，用黎點湯汁食，蒜香包本身已經好好味的，牛油同蒜容香噴噴，條包脆卜卜，吸下冬蔭功湯食好正。點了一個泰式炒飯，外賣給留在家的爸爸食，賣相不錯，無試到但爸爸說味道不錯。食到咁飽都要加下甜品，要了芒果糯米飯，即叫即做啲飯
自助攞飛，睇一睇叫號，原來都有成四五張枱，一等就等左廿幾分鐘。門口已經睇定餐牌，一坐低即點菜，好肚餓呀
飲品先上，一杯三色冰，一杯凍奶茶。三色冰椰香奶滑，奶茶茶濃帶小小香料味，跟港式奶茶不一樣，但好難比較邊種好飲啲，反正就係正。
串燒香噴噴，要了牛豬雞每樣兩串，燒得好香口但不乾身，咬落仲好juicy，正呀。點埋個沙嗲醬就一流，咸咸甜甜勁濃花生味，配串燒真係好好味。
冬蔭功湯，呢碗係隨下面叫的烏頭魚的，等一下加進去同條魚一齊滾，冬蔭功酸酸咸咸，微辣，好香香葉味但不重奶味，就咁飲都好正。
哼哼哼，期待已久的冬蔭功明爐魚，賣相好靚喎，睇下好唔好味先。烏頭魚十分肥美，皮下魚油極多，魚肉鮮甜嫩滑，好正呀加入冬蔭功湯更鮮味，配料有芫荽，蕃茄仔，草菇，豆卜等，吸飽了湯好好味。
追加了蒜香包，用黎點湯汁食，蒜香包本身已經好好味的，牛油同蒜容香噴噴，條包脆卜卜，吸下冬蔭功湯食好正。
點了一個泰式炒飯，外賣給留在家的爸爸食，賣相不錯，無試到但爸爸說味道不錯。
食到咁飽都要加下甜品，要了芒果糯米飯，即叫即做啲飯仲熱辣辣，軟綿綿又香又滑，芒果好甜，椰漿同飯都係熱的，入口甜而不膩，白飯較綿，黑糯米較有口感，兩樣mix埋一齊食最正。
順帶一題，這裏的三色冰不是一條條的，用的是粒狀，甜甜粉粉，好得意。
連外賣在內不用五百蚊，食到飽到上心口，哈哈
张贴
