影片
更多
2010-10-17
35 浏览
每星期既family day都係茶樓食午飯,一般都要百几二百蚊一餐,有時上高檔d既「利苑酒家」飲茶,閒閒地埋單已經三百几四百蚊,而且點心+炒嘢食到膩哂啦。諗諗新意思~lunch buffet吖,剛巧見到Open Rice有75折coupon,$168/位連加一,每人只需$142.80-咋,不妨上來一試哩…綠茵閣係城市花園酒店二樓,環境清靜兼闊落,三個人被安排坐四人長枱大卡位,認真舒適自在。眼見食物種類也不少,賣相亦算精緻。由於眼寬肚窄,唯有想食先試:-壽司魚生：腐皮壽司味道唔錯同出面d壽司舖差不多,其他款式既壽司就一般。魚生得兩款,生文魚有魚味,食左几轉,另一款就麻麻地嘞。沙律：有雜菜,蕃茄,粟米等~太飽無試。冷盤：有多款火腿,凍蝦,青口,冷麵,螺仔肉等。火腿味道普通無特別之處。日式冷麵几爽口幼滑。螺仔肉少辣味美。本人一向對冷凍海鮮無興趣,一於放棄試凍蝦及青口。餐湯餐包：蓮藕綠豆排骨湯几清甜。無試忌廉湯同餐包。熱盤：豉椒炒青口几入味好食。最鐘情大大塊既龍脷柳,肉質好嫩滑,食左好多碟。即整即炸既天婦羅蝦,入口好鬆脆香口,唔食番夠本,點對得住個胃,嘻嘻!!鴨胸肉唔錯。上海粗炒一d都唔油膩,
壽司魚生：腐皮壽司味道唔錯同出面d壽司舖差不多,其他款式既壽司就一般。魚生得兩款,生文魚有魚味,食左几轉,另一款就麻麻地嘞。
沙律：有雜菜,蕃茄,粟米等~太飽無試。
冷盤：有多款火腿,凍蝦,青口,冷麵,螺仔肉等。火腿味道普通無特別之處。日式冷麵几爽口幼滑。螺仔肉少辣味美。本人一向對冷凍海鮮無興趣,一於放棄試凍蝦及青口。
餐湯餐包：蓮藕綠豆排骨湯几清甜。無試忌廉湯同餐包。
熱盤：豉椒炒青口几入味好食。最鐘情大大塊既龍脷柳,肉質好嫩滑,食左好多碟。即整即炸既天婦羅蝦,入口好鬆脆香口,唔食番夠本,點對得住個胃,嘻嘻!!鴨胸肉唔錯。上海粗炒一d都唔油膩,恰到好處。海鮮炒飯,炒得好乾身,粒粒飯都好分明, 又唔會太多油。蒸燒賣同餃子就同酒樓差不多~唔錯。皮蛋瘦肉粥好綿又滑,睇住係用明火煲,絕無呃人。仲有牛扒,牛仔骨,豆腐,時菜,燒雞,咕嚕肉,咖哩角,pizza,雞包仔,蓮蓉包等食唔哂咁多呢…
車仔麵檔：湯底有麵豉及雲吞兩款任揀。自選材料有牛丸,豬肉丸,獅子狗卷,蟹柳,魚片,金菇,冬菇,烏冬,油麵,米粉,菜等。淥左碗雜米,D丸好彈牙吖…
甜品：New York芝士蛋糕好好食,芝士味濃郁可口。杧果慕絲蛋糕好香滑軟熟。綠茶蛋糕好味道。黑森林蛋糕內層夾住朱古力而唔係黑啫喱好正。士多啤利蛋糕唔錯。有款好似名叫「農場蛋糕」有nuts几特別又好食。紅豆糕好有紅豆味。啫喱,布甸則淡而無味。豆腐花夠滑夠熱。無試到朱古力蛋糕,涼粉,麵包布甸等。
生果：菠蘿,哈密瓜,西瓜,提子。當中以哈密瓜最甜。
牛奶公司雪糕：有朱古力,士多啤利及紅豆味。
飲品：任飲自製凍∕熱檸茶,咖啡,奶茶等。
服務：收碟快埋單快,唔錯。
以百几蚊既價錢嚟計已算抵食,今餐食左几碟龍脷柳,天婦羅蝦,生文魚刺身同咁多款蛋糕已經回本有凸啦…
张贴
