譽宴 (已結業)

早排約埋ㄧ班同事去食餐, 慶祝加人工, 以我地咁精明, 梗係揀星期一至星期四去食, 平兩百大元喎。酒樓裝修闊落光猛, 令人感覺舒適。套餐例牌先上乳豬, 皮脆肉嫩, 隻乳豬好瘦, 好 bb. 再嚟碟芝士龍蝦伊麵, 超多龍蝦, 芝士食落唔會好漏, 條清蒸石斑都唔細, 可惜蒸得過左少少火, d 肉有d "鞋", 隻炸子雞睇落唔錯, 唔算燶, 味道 ok, 仿鮑片冬菇扒時菜略為多左 d 油, 仿鮑片都好有鮑魚味, 碟蛋白炒飯唔肥膩, d 飯夠乾身, 味道亦適中, 抵食。