影片
更多
2013-01-21
6 浏览
上個月，睇完”飲食X女”介紹呢間甜品舖，D野睇落好似好好味，無耐發現有半價團購優惠，即買。多次路過都食得太飽食唔到，星期六6點幾見未食晚飯又路過，緊係食啦! 去到無人等位，人客只有不多於10人，係門口企左一陣，無人帶位，近門口既收銀處有2個侍應企左係度，2個人都唔望又唔理，咁我同朋友兩個咪行過呢一男一女侍應身邊自己搵位坐，以為佢地玩完電話會理下我地…………，幾分鐘過後，都無人理，完全無人識得比餐牌，重以為好似food court咁要自己去買，點知好在見到有人要比錢，先知道D侍應會行過去，最後要開聲大聲問加揮手先有，餐牌上樣樣都好似好吸引，即打算叫一個”冬之戀新地” (團購優惠係6選1既新地系列)，加一個”紫萄之戀”。 唔知點解間舖又唔多人，但係D侍應都係唔多理人，又要重覆頭先既大聲叫加揮手先有人望下咁，第一個高長髮女侍應目無表情加好似無咩力咁行過黎，咁由於團購關係，好多時要落單就提供，當我話比佢知同團購，佢即時大聲咁話 ”咩呀?咩黎嫁?” 全個場D人全部望住我地，超無面，好似乞咁!!!之後佢大聲叫另外一個女侍應過黎又睇下 ” 咩呀?無晒喎!”，再叫廚房入面一個男侍應出黎睇………”哦….
多次路過都食得太飽食唔到，星期六6點幾見未食晚飯又路過，緊係食啦! 去到無人等位，人客只有不多於10人，係門口企左一陣，無人帶位，近門口既收銀處有2個侍應企左係度，2個人都唔望又唔理，咁我同朋友兩個咪行過呢一男一女侍應身邊自己搵位坐，以為佢地玩完電話會理下我地…………，幾分鐘過後，都無人理，完全無人識得比餐牌，重以為好似food court咁要自己去買，點知好在見到有人要比錢，先知道D侍應會行過去，最後要開聲大聲問加揮手先有，餐牌上樣樣都好似好吸引，即打算叫一個”冬之戀新地” (團購優惠係6選1既新地系列)，加一個”紫萄之戀”。
唔知點解間舖又唔多人，但係D侍應都係唔多理人，又要重覆頭先既大聲叫加揮手先有人望下咁，第一個高長髮女侍應目無表情加好似無咩力咁行過黎，咁由於團購關係，好多時要落單就提供，當我話比佢知同團購，佢即時大聲咁話 ”咩呀?咩黎嫁?” 全個場D人全部望住我地，超無面，好似乞咁!!!
之後佢大聲叫另外一個女侍應過黎又睇下 ” 咩呀?無晒喎!”，再叫廚房入面一個男侍應出黎睇………”哦…..咁你要咩呀?” 咁我話要冬之戀新地，佢話”無”，之後，我話咁要芒之仲夏，佢又話 “無芒果” ”0”，咁重可以要咩呢? 佢最後話可以叫返冬之戀新地轉第2隻味既雪糕………咁最好啦!! 佢即刻轉頭就走左，都未叫第2樣………，算! 咁樣又過左15分鐘，聽到有人追單，侍應走去廚房到問，返黎就回覆話新地要等15分鐘，部機有問題，要等。 吓?我都係叫呢樣喎，點解無人同我地講既?! 又過多10分鐘，人地既新地送到，我地咪叫個長髮女跟單，佢走去廚房問頭先比較矮既女侍應，呢個企係廚房內的女侍應當時正在用筷子食緊炒烏冬或粗麵加上佢又講野又係製作甜品中既廚房….?!!侍應返黎問 ”你地叫左D咩?再無單喎!!!!!”
OMG!! 唔係呀!? 我同朋友準備走既時侯，我見到廚房剛整好我叫既新地，見圖。
由於無曲奇味雪糕換左粒朱古力味，唔計側左一邊既雪糕，樣係幾靚，味道就由朱古力味雪糕，當然係普通啦，D小丸子，細細粒，乳酪味道無咩味，只可以話係唔甜，當你食到中間的脆脆米時，已經無咩味，整體味道唔差，幾靚。
但係值唔值得等一個鐘 + 咁既待遇 + 衛生情況，咁就真係要考慮下。好後悔叫左朋友黎陪我受氣同出醜。
题外话/补充资料：
[b]補充，隔離一檯叫乳酪，就 ”無乳酪”! 叫雪糕換來的，係 ”今日個雪糕機壞左喎!”，加上佢地見到我地等左咁耐，走左。[/b]
(以上食记乃用户个人意见 , 并不代表OpenRice之观点。)
张贴
