影片
更多
2018-01-30
78 浏览
今晚OT夜了，真係倦了、餓了。助手好抵得諗陪我留到咁夜砌埋份report 先收工，真係唔話得，家下年青人好少會咁做。問佢咁夜返屋企仲有無飯食，佢話杯麵就有。見佢咁幫得我手，我就話請佢食飯，當係多謝佢又好，鼓勵佢又好，反正自己都要食飯。去到尖沙咀，當然有好多選擇。見到隻雀仔幾 cute，助仔又話想食串燒，就上咗去。咁夜都仲有人幫襯，我估佢哋都係剛剛收工來的，香港人真係勤力。好快我哋就諗到食咩嘢，一次過剔晒想食嘅嘢。食串燒，當然唔少得啤啤佢，先嚟每人一支【Hoegaarden Beer $45】，爽一爽佢!我問助手做咩望住隻碟入晒神。佢話隻碟上面印咗嘅地方佢都好想去，儲夠錢就會請假去。趁後生，去多啲地方見識下好都好嘅。我話佢咁勤力，話唔埋公司會派佢去歐洲出差都唔出奇，到時寓工作於娛樂就認真盞。【燒蟶子】是今晚特價，只賣 $8.8，當然要食啦! 蒜蓉夠多夠香口，蟶子肉鮮美。【燒雞腎 $32】是我至愛，加些七味粉吊吊味，好食到停唔到口。【原條鰻魚】咁大條都只係 $59，好抵食。【金菇牛肉卷】仲抵食，$39 一份有三件。肥牛肉肉質唔錯，包住啲金菇一齊食，口感一流。【西班牙黑毛豬件 $69】夠大件
去到尖沙咀，當然有好多選擇。見到隻雀仔幾 cute，助仔又話想食串燒，就上咗去。
咁夜都仲有人幫襯，我估佢哋都係剛剛收工來的，香港人真係勤力。
好快我哋就諗到食咩嘢，一次過剔晒想食嘅嘢。
食串燒，當然唔少得啤啤佢，先嚟每人一支【Hoegaarden Beer $45】，爽一爽佢!
我問助手做咩望住隻碟入晒神。
佢話隻碟上面印咗嘅地方佢都好想去，儲夠錢就會請假去。趁後生，去多啲地方見識下好都好嘅。我話佢咁勤力，話唔埋公司會派佢去歐洲出差都唔出奇，到時寓工作於娛樂就認真盞。
【燒蟶子】是今晚特價，只賣 $8.8，當然要食啦! 蒜蓉夠多夠香口，蟶子肉鮮美。
【燒雞腎 $32】是我至愛，加些七味粉吊吊味，好食到停唔到口。
【原條鰻魚】咁大條都只係 $59，好抵食。
【金菇牛肉卷】仲抵食，$39 一份有三件。
肥牛肉肉質唔錯，包住啲金菇一齊食，口感一流。
【西班牙黑毛豬件 $69】夠大件，肉厚，醃得入味，唔錯。
【蒜蓉燒虎蝦 $59】、【黑松露廣島蠔 $59】一齊上。虎蝦肉質鮮嫩，多肉，彈牙。黑松露味道夠濃烈，配搭廣島蠔嘅鮮味，又是另一種食法
話過要請助手食飯，當然唔少得食一個【茄汁海鮮焗飯 $139】，兩人 share，份量啱啱好。
至like 佢用厚厚嘅芝士封頂，又香又好味。配料又足，帶子大大隻。
我哋狂風掃落葉一輪，就掃清檯面嘅食物同啤酒。本來是肚餓了，依家變咗飽飽了。係時候歸家早抖，待明天再搏殺過。
张贴
