樸生•素食 (已結業)

平时都有去开呢间食素食，不过经过下面呢件事，以后都唔会再去！过年时分，每间食肆启市日子都唔同，去之前打个电话去问定有冇开市都好正常，电话接通咗，我用好正常有礼貌嘅语气去问：「唔该想问下今日有冇开？」有个男人态度恶劣咁答我：「咁我拎得起个电话，就当然有开门㗎啦！」咁我只好回应：「咁0系你拎起电话𠮶一刻，我当然已经知道你系有开市，但我无理由直接cut你线。礼貌上我都要话你知我打黎做乜嘅。」可惜佢听唔明我讲咩，可能呢个回应对佢来讲太复杂。其实佢只需要简单回应「有开」两个字，所有嘢都会简单好多。之前去呢间食肆，都感觉到啲侍应好火爆，见过佢哋闹交，充满负能量，可能做得唔开心，所以帮老细赶啲客走。