王子冰室 (已結業)

又係新蒲崗搵食嘅時候！今日早收工，特登走去工業區附近睇睇有無平價下午茶選擇。見到有一間王子冰室裝修幾精緻，就入去一試！佢個menu嘅下午茶都有幾多選擇。麵餐又有，炒粉麵又有⋯⋯甚少在茶餐廳見到有辛辣麵選擇，試試叫個麵餐改辛辣麵睇睇咩情況。叫嘅係雞扒辛辣麵：睇落好似無乜問題，雞扒亦都算係大塊。可惜辛辣麵好似無煮過咁樣，隨便放落水度浸兩浸就拎上黎。個麵用叉整開時仍然係硬嘅。諗住可以用熱水浸一陣得佢變軟？嗰d只係暖水，浸到凍晒都唔會變軟⋯⋯環境好，食物大份⋯⋯可惜，食麵餐最緊環係個麵呀⋯⋯