麦玉子 (已結業)

夜晚九點幾在觀塘，就隨便走入 APM 超市搵野食。見到呢間，有玉子兩個字，就試下。叫了一個玉子壽喜牛肉飯，等左好快就有喇。呢度只收現金或八達通，差點唔夠錢食飯。玉子壽喜牛肉飯，都可以。牛肉味不錯，但牛不是太淋。玉子，反而普通，可能太有期望？反而，最想讚既係個飯。我本身對飯冇乜大興趣，不過呢度個飯一粒一粒，好有咬口，加入左其他米，令到食落覺得幾好𡁻，加上有小小壽喜汁和加左七味粉，個飯的確好食，好驚喜。