岩鹽日本料理 (利舞臺廣場) (已結業)

老公要開會又唔想自己一個食飯，約fd行街食飯是常識吧，我好想講平日怕肥晚餐唔食飯嘅我，今次要激讚依個日式煲仔飯，初初我對依個飯都有D保留，諗住又咪飯一個，點知又好玩又好食，因為個飯一嚟度已經俾咗個流沙器，侍應仲好細心教我點食個飯，首先個飯到咗要焗佢1分鐘，焗完再打開佢但要小心煲邊因為剛剛煮好會好熱怕我哋會辣親（好細心） ，先可以食咗面嘅海鮮先，又估唔到全部海鮮都好新甜跟食刺身嘅甜味係一樣，後先就見到個飯，面已經有好多唔同嘅材料，我哋加少少醬油將佢哋撈埋一齊食啖啖到食到唔同嘅配料，裏面有飛魚子，銀魚仔，豆，冬菇， 筍同菠菜...口感好到不得了，最後仲有一壺茶比我加落個飯度當茶漬飯濕濕地又有茶香聞，齋食個飯我都已經好開心我差唔多一個人食灑成個飯。