重慶劉一手火鍋店 (旺角商業大廈) (已結業)

近排見天氣凍凍地，緊係約一班為食朋友出嚟食火鍋啦 😋😋😋今次第一次嚟到呢間劉一手，知道佢有成千間分店，相信質素一定一保證 👍🏼👍🏼👍🏼 間舖喺朗豪坊附近，都算易搵，一出 lift 就聞到好勁嘅麻辣味 😍😍😍 可能當日差不多夜晚 10pm 啦，餐廳唔算好爆，所以上菜都好快。其實火鍋嚟嚟去去都係叫嗰啲，不過其實呢間都有幾多選擇，又有海鮮，串燒之類，但我哋都係叫返普通火鍋料算數 😂😂😂全晚我覺得最有驚喜嘅係薑汁皮蛋貢丸，本身貢丸質地已經好彈牙，但入面嘅醬爆汁入面啲皮蛋又有另一種彈牙嘅口感，好過癮 😋😋😋另外覺得好正嘅係杯椰汁沙冰，大大杯，入面仲有果肉，食完辣用嚟解辣一流 👍🏼👍🏼👍🏼