錦丼 (iSQUARE國際廣場) (已結業)

睇到好幾個評論話碗飯細。我初時都以為係因為隔離抬個碗大概兩個拳頭大。我地見咁嘅情況就叫多幾個小吃。碗飯來到刺身新鮮！底下的飯好滿！啲飯我食咗一半就飽咗啦。鮪魚丼用咗高級啲嘅魚。處理得好好。冇腥味。中拖羅肥瘦適中。兩種鮪魚飯都好好。雜錦丼咩都有啲。我最鍾意係個甜蝦。因為其他刺身切得太薄。不過全都新鮮嘅。軟殼蟹卷內脆外軟。鰻魚三文魚卷嘅配搭冇得輸。年糕普通但都好食。炸雞多汁。卷物都好好食。晚飯好多人。一定要頂抬。如果唔係有排等。