影片
更多
2016-05-12
460 浏览
個日去左一間個湯料好正既地方打邊爐，佢就係靚煲王啦！其實佢有好多湯料揀，未食過既可以叫靚煲王，好足料。黎得打邊爐就梗係唔可以漏左邊爐料，呢間都好多選擇，不過今次兩個人黎食，所以無叫咁多。個煲未上就攪住個醬先。等左一陣個煲就上枱喇！呢個係細煲版，但係用料絕無偷工，淨係面個６隻鮮扇貝都值回票價。除左面見到既扇貝、瓜、粟米之外，下面仲有大量好香既豬骨，個湯就咁飲已經飲得出個湯頭有濃濃既豬骨味。我地叫左呢個霜降牛粒，咁大粒仲以為會好難咬開，點知都算淋食，牛味好濃。除左霜降牛粒，仲叫左鮮雞半隻。同埋上面呢個廣島蠔，不過味道就一般般。等黎等去都見唔到點既菜，催左好多次又話整緊，最後原來佢無哂貨，有少少hard feeling，如果佢地一開始就同我地講無個隻菜叫我地轉其他，咁呢餐就完美。最後唔夠喉，後補左個響鈴，都係普普通通。雖然我知道呢度係賣湯料正，邊爐料雖然多選擇，但質素有改善的空間，而且服務生經驗不足亦令到我地有Ｄ唔滿意，如果改善下就非常好！
個日去左一間個湯料好正既地方打邊爐，佢就係靚煲王啦！
其實佢有好多湯料揀，未食過既可以叫靚煲王，好足料。
黎得打邊爐就梗係唔可以漏左邊爐料，呢間都好多選擇，不過今次兩個人黎食，所以無叫咁多。
個煲未上就攪住個醬先。
等左一陣個煲就上枱喇！呢個係細煲版，但係用料絕無偷工，淨係面個６隻鮮扇貝都值回票價。除左面見到既扇貝、瓜、粟米之外，下面仲有大量好香既豬骨，個湯就咁飲已經飲得出個湯頭有濃濃既豬骨味。
我地叫左呢個霜降牛粒，咁大粒仲以為會好難咬開，點知都算淋食，牛味好濃。
除左霜降牛粒，仲叫左鮮雞半隻。
同埋上面呢個廣島蠔，不過味道就一般般。
等黎等去都見唔到點既菜，催左好多次又話整緊，最後原來佢無哂貨，有少少hard feeling，如果佢地一開始就同我地講無個隻菜叫我地轉其他，咁呢餐就完美。
最後唔夠喉，後補左個響鈴，都係普普通通。雖然我知道呢度係賣湯料正，邊爐料雖然多選擇，但質素有改善的空間，而且服務生經驗不足亦令到我地有Ｄ唔滿意，如果改善下就非常好！
张贴
