影片
更多
2021-11-27
64 浏览
喺時代廣場睇電器睇到五點鐘開始有啲肚餓，所以落樓下搵食，行到6樓見到有間星加坡餐廳，仲有得食午市，所以就入咗去食飯，當食埋early dinner。 入到去坐嘅位置都好寬敞，而且服務員亦都好殷勤，入到嚟先幫你斟水，見到餐牌上面都有唔少星馬泰嘅食品，有肉骨茶有串燒，不過自己都係鍾意食海南雞多啲，所以就嗌咗海南雞飯，同埋一個松露茶葉蛋，午餐包埋嘢飲，我揀咗凍桔仔話梅。 首先送上嘅係松露茶葉蛋，聞到佢有好香嘅松露味，蛋下面呢就有炸蒜片托住，不過食落冇乜味，所以主要食個茶葉蛋就可以啦，見蛋嘅外皮好夠深色，證明煮嘅時間應該都好夠，蛋黃都好夠流心，送飯一流，茶葉蛋個松露味好香，唔會有喧賓奪主嘅感覺，不過都要46蚊，如果有多一隻蛋更開心！ 海南雞飯用一個盤上枱，見佢包埋一個湯，一個雞油飯，同埋一份無骨海南雞，雞肉都夠嫩滑，甜豉油唔會話好甜，薑蓉磨得都夠細，所以點嘅時候就唔會覺得好辣，雞油飯好大碗所以食完成個餐都係足夠飽肚。個湯我飲得出應該有用冬瓜煲過，好鮮甜，而且入邊亦都有魚蛋同埋章魚，見到係啲細位做到好足，所以都明白點解一個海南雞飯餐要108蚊。 最後牙仔痕嗌咗一個甜品娘惹椰青糕，送上枱嘅時候好
入到去坐嘅位置都好寬敞，而且服務員亦都好殷勤，入到嚟先幫你斟水，見到餐牌上面都有唔少星馬泰嘅食品，有肉骨茶有串燒，不過自己都係鍾意食海南雞多啲，所以就嗌咗海南雞飯，同埋一個松露茶葉蛋，午餐包埋嘢飲，我揀咗凍桔仔話梅。
首先送上嘅係松露茶葉蛋，聞到佢有好香嘅松露味，蛋下面呢就有炸蒜片托住，不過食落冇乜味，所以主要食個茶葉蛋就可以啦，見蛋嘅外皮好夠深色，證明煮嘅時間應該都好夠，蛋黃都好夠流心，送飯一流，茶葉蛋個松露味好香，唔會有喧賓奪主嘅感覺，不過都要46蚊，如果有多一隻蛋更開心！
海南雞飯用一個盤上枱，見佢包埋一個湯，一個雞油飯，同埋一份無骨海南雞，雞肉都夠嫩滑，甜豉油唔會話好甜，薑蓉磨得都夠細，所以點嘅時候就唔會覺得好辣，雞油飯好大碗所以食完成個餐都係足夠飽肚。個湯我飲得出應該有用冬瓜煲過，好鮮甜，而且入邊亦都有魚蛋同埋章魚，見到係啲細位做到好足，所以都明白點解一個海南雞飯餐要108蚊。
最後牙仔痕嗌咗一個甜品娘惹椰青糕，送上枱嘅時候好似一朵花咁樣覺得擺盤唔錯，切落去嘅時候就爽口，唔似平時食開嘅蒸椰汁糕煙靭嘅質感，而且糕入面有一絲絲嘅椰青肉，味道清甜，覺得有嗰種天然嘅甜味。
张贴
