胡爐 (已結業)

上排最尾咁啱出去食晚市，食咗個超正十下十下打邊爐。一入到去有房坐，環境優雅夠舒服，啱曬兩個人吹水，望出去有一枱人望落好熱鬧，但唔傳聲一d都唔會嘈。選湯底，嘩，好多都好吸引，豪一豪佢食佛跳牆先～嚟到好多翅，大大堆個燙未滾，食住椒鹽鮮魷先，炸得夠乾身，唔會油覺得油淋淋，辣辣哋夠開胃，再配埋個湯底飲得，一度飲湯一度食，好正呀～個湯好濃好多料，夾一夾都見到花膠海參鮑魚，淨係湯都飲咗三碗帶子餃吸曬d湯好香好正，個手打牛丸入面嘅黑松露同芝士好香濃，咬完一啖陣黑松露都hold陣先散。紐西蘭羊肉片肉質生鮮，個炸響鈴好大隻，同埋無平時d劣質響鈴嘅舊油味，稻庭烏冬我唔小心煲夠咗都無變到爛蓉蓉，仲幾有咬口。個荔枝梳打夾打邊爐，好清甜好爽雖然埋單唔算好平，但計返個質素又好值回票價，好想飲曬埋佢其他湯底好飲過好多老火湯