鳳鳴石磨腸粉 (香港工業中心A座) (已結業)

今朝晏左食早餐，所以午餐去到2點岩岩好肚餓想搵野食，經過荔枝角地鐵站附近，睇吓有啲咩啱食，行行吓見到呢間寫石磨腸粉，唔諗即刻去試先。

細個係腸粉迷，可以日日都食，不過而家少咗好多好好味嘅石磨腸粉，真係好懷念以前好食又平嘅腸粉。

套餐

$38

今次嗌咗個套餐，因為單嗌唔夠飽，套餐包腸粉一碟、魚蛋/燒賣+一杯嘢飲。

等候嘅時間5分鐘左右

豬肉雞蛋腸粉

燒賣同芫荽排位有心機，好多外賣都係求其放，呢個位值得一讚！

不過腸粉個份量就少咗啲，如果做午餐嘅話未必夠飽，下午茶嘅就可以。

終於食完喇！杯豆漿好飲！而腸粉整體個汁係好食，我叫走辣，佢個汁有麻油，芝麻粒，唔錯！美中不足係個份量可以最多少少就好啦！